“Jannat 2: Onamga maktub” — O‘zbekistonning e'tiborga molik milliy kino loyihalaridan birining davomi. Film oila, ona mehri, ma'naviyat va ota-onani hurmat qilish kabi keng auditoriyaga yaqin qadriyatlarga asoslangan. Loyiha doirasida iTV insayt, marketing strategiyasi, PR, raqamli kommunikatsiyalar, influencerlar bilan ishlash, hamkorlikdagi aktivliklar va platformaning shaxsiy media resurslarini birlashtirgan holda filmni targ‘ib qilish va tarqatishni amalga oshirdi.
Muammo
Jamoa oldida film premyerasini standart kino reliz doirasidan chiqarib, keng ko‘lamli milliy voqeaga aylantirish vazifasi turardi. Keng auditoriyani jalb qilish, film bilan hissiy bog‘liqlikni shakllantirish, prokatga yuqori qiziqishni ta'minlash, loyihaning media va ijtimoiy tarmoqlarda muhokama qilinishini kuchaytirish hamda iTV platformasida filmga bo‘lgan qiziqishni qo‘llab-quvvatlash kerak edi.
Yechim
Kommunikatsiya strategiyasi nafaqat film syujeti, balki har bir oilaga tushunarli bo‘lgan asosiy hissiy g‘oya — ona nomiga yozilgan maktub va qadriyatlar atrofida qurildi. Kampaniya doirasida oila, ona mehri, ma'naviyat va ota-onani hurmat qilish mavzulariga asoslangan yagona kommunikatsiya platformasi shakllantirildi. Jamoa OAV vakillari, blogerlar, san'atkorlar, hamkorlar va jamoatchilik fikri yetakchilari uchun yopiq premyera namoyishini tashkil etdi. Shu bilan birga, milliy OAV, raqamli media, ijtimoiy tarmoqlar va hamkorlik maydonchalari orqali keng ko‘lamli PR-kuzatuv ta'minlandi. Organik qamrovni kuchaytirish uchun blogerlar, loyiha elchilari va taniqli influencerlar bilan ish olib borildi. Kampaniyaning qo‘shimcha elementi sifatida “Musaffo” brendi va Shavkat Hasan bilan hamkorlikda Umra safariga yo‘llanma yutuqli o‘yini tashkil etildi, bu loyihaning hissiy va qadriyatli kontekstini kuchaytirdi. Shuningdek, treylerlar, eksklyuziv materiallar, aktyorlar bilan intervyular, sahna orti kontenti va hamkorlar bilan kross-promo aktivliklardan foydalangan holda keng ko‘lamli SMM-kampaniya amalga oshirildi. iTV’ning shaxsiy media resurslari kampaniyani qo‘shimcha kuchaytirish va kinoprokatdan keyin ham filmga bo‘lgan qiziqishni qo‘llab-quvvatlash uchun jalb etildi.
Natijalar
Film 8 milliard so‘mdan ortiq kassa tushumini to‘pladi, Tomoshabinlar soni 150 000 kishidan oshdi. OAVdagi publikatsiyalarning umumiy media qamrovi 20 milliondan ortiqni, Ijtimoiy tarmoqlardagi auditoriya qamrovi esa 7 million foydalanuvchidan oshdi. Prokatdan so‘ng film iTV platformasidagi eng ommabop filmlar TOP-3 taligiga kirdi.
