NRG BI ECOSYSTEM — NRG BI ekotizimi taqdimoti, mahsulotlarning interaktiv ko‘rgazmasi, immersiv teatr, texnologik shou, konsert dasturi va savdolar boshlanishini birlashtirgan keng ko‘lamli gibrid tadbir. Tadbir maydoni ko‘chmas mulk, moliya, investitsiyalar, texnologiyalar, servis va kompaniyaning ijtimoiy loyihalariga bag‘ishlangan tematik zonalarga bo‘lindi. Asosiy dastur besh nafar spiker va ekotizimning beshta yo‘nalishi atrofida qurildi, ularning har biri o‘ziga xos sahna rejissurasiga ega bo‘ldi. Taqdimotdan so‘ng mehmonlarni konsert, sovrinlar o‘yini va savdo ofisi kutib oldi. Shu bilan birga, tadbir onlayn tarzda ham translyatsiya qilindi. Umuman olganda, loyiha oflayn va onlayn formatlarda 1 620 nafar ishtirokchini birlashtirdi.
Muammo
NRG va BI birlashdi va kompaniya oldida auditoriyaga brendning yangi ko‘lamini namoyish etish vazifasi turardi. NRG BI’ni shunchaki qurilish kompaniyasi sifatida emas, balki insonni kvartira xarid qilish jarayonidan ancha kengroq doirada qo‘llab-quvvatlaydigan katta ekotizim sifatida ko‘rsatish muhim edi: moliyaviy yechimlarni taklif etish, shahar muhitini yaratish, qurilish sifatini ta’minlash, servis va hamjamiyatni rivojlantirish, ijtimoiy loyihalarni amalga oshirish hamda xalqaro bozorlarda faoliyat yuritish. Xolding faoliyatini qurilish kompaniyasi doirasidan kengroq ochib berish va uning ekotizimini taqdim etish loyihaning dastlabki vazifasidayoq belgilangan edi. Oldimizda asosiy savol paydo bo‘ldi: Bir necha soat ichida odamlarga ko‘lamini endi faqatgina «quruvchi» degan bitta so‘z bilan ifodalab bo‘lmaydigan kompaniyani qanday ko‘rsatish mumkin?
Yechim
Biz mehmonlarga ekotizim haqida shunchaki gapirib berish emas, balki ularni bevosita uning ichiga olib kirishga qaror qildik. Butun tadbir yagona ekotizim sifatida qurildi. Makon, interaktiv zonalar, spikerlar taqdimotlari, videokontent va performanslar BI’ning turli yo‘nalishlarini ochib berdi va shu bilan birga ularning o‘zaro bog‘liqligini doimiy ravishda namoyish etdi. Mehmonlar kirishdanoq ekotizimning turli qismlari bilan bevosita o‘zaro aloqaga kirishishlari mumkin edi. Masalan, BI Finance interaktiv ipoteka kalkulyatori orqali moliyaviy imkoniyatlarni namoyish etdi, BIG Invest esa interaktiv xarita yordamida xalqaro loyihalarni taqdim etdi. Asosiy dastur ham xuddi shu mantiq asosida davom etdi. Spikerlarning chiqishlari kompaniya missiyasi, sifat, shahar muhiti, moliyaviy yechimlar va servis yo‘nalishlarini ochib berdi. Har bir yo‘nalish o‘ziga xos kontent va sahna performansi bilan qo‘llab-quvvatlandi. Natijada, odatiy korporativ taqdimot o‘rniga biz inson BI Ecosystem nimalardan tashkil topganini ko‘rishi, his qilishi va tushunishi mumkin bo‘lgan makonni yaratdik.
Natijalar
Tadbir oflayn va onlayn formatlarda 1 620 nafar ishtirokchini birlashtirdi va auditoriya tomonidan yuqori baholandi: Tadbir NPS ko‘rsatkichi — 81 Tadbirni tashkil etish NPS ko‘rsatkichi — 86 Brend-zonalar NPS ko‘rsatkichi — 87 Sahna dasturi NPS ko‘rsatkichi — 79 Eng muhim natija — mehmonlar NRG BI’ni haqiqatan ham yaxlit ekotizim sifatida qabul qilishdi. Tadbirning eng esda qolarli qismlari orasida ular brendning bir nechta yo‘nalishlarini qayd etishdi: Ona Uyi — 33,3%, BIGVILLE — 29,5%, BIG+ — 15,4%, NRG BI Service — 14,1%. Bu auditoriya e’tibori faqat bitta aktivatsiyaga qaratilmay, ekotizimning turli mahsulotlari va tarkibiy qismlari o‘rtasida taqsimlanganini ko‘rsatadi.
