AVO bank. Birga maydonda!

Mustaqillikka erishilgandan buyon Oʻzbekiston ilk bor futbol boʻyicha Jahon chempionatiga yoʻllanmani qoʻlga kiritdi — 34 yildan beri intiqib kutilgan orzu va umidlar ruyobga chiqdi. Ushbu hodisa butun mamlakat uchun tarixiy ahamiyatga egaligini chuqur angalan holda, biz Brend sifatida o‘zimizni tanitish va global miqyosdagi muhim axborot maydoni doirasida mahsulotimizni keng namoyish etish uchun ajoyib imkoniyat topdik.

Muammo

Hissiy bog'liqlikni shakllantirish: Butun mamlakat uchun tarixiy ahamiyatga ega voqeada bevosita ishtirok etish va uni yoritish orqali foydalanuvchilar hamda futbol ishqibozlari bilan mustahkam emotsional aloqa o'rnatish.
Mahsulot afzalliklarini ko'rsatish: Sayohat davomida mahsulotimizning amaliy qulayliklari va ustunliklarini namoyish etish.
Insonga qaratilgan yondashuvni rivojlantirish: Brend kommunikatsiyasi va xatti-harakatlarida inson omiliga yo'naltirilgan (human-centric) yondashuvni izchil davom ettirish.

Yechim

O‘zbekistonda UGC eng tez rivojlanayotgan kontent formatlaridan biriga aylanmoqda. Byudjetni optimallashtirgan holda, biz FIFA Jahon chempionatiga O‘zbekiston milliy terma jamoasini qo‘llab-quvvatlash uchun AQShga yo‘l olgan UGC-kreatorlar va influencerlar bilan ishlashni tanladik. Bu AVO bank’ni oddiy reklama integratsiyasi emas, balki ularning safarining tabiiy bir qismiga aylantirish imkonini berdi.

Safar oldidan har bir kreatorga sayohat uchun kerakli mahsulotlar jamlangan brendlangan Travel Box va chet elda foydalanish uchun AVO bank kartasi taqdim etildi. Shu orqali ular mahsulotdan real foydalanib, o‘z tajribalarini kontent orqali ulashish imkoniga ega bo‘lishdi.
Safar davomida kreatorlar kartadan kundalik hayotda qanday foydalanganlarini ko‘rsatishdi, O‘zbekiston terma jamoasi o‘yinlarini bevosita tribunadan yoritishdi va brendning Stories hamda hamkorlikdagi Reels formatlari uchun qiziqarli kontent yaratishdi.

Auditoriyani yanada faol jalb qilish uchun tanlov ham o‘tkazdik: o‘yinlar davomida bo‘lajak uchrashuvlar hisobini to‘g‘ri topgan AVO bank mijozlari xuddi shunday Travel Box’larni qo‘lga kiritish imkoniyatiga ega bo‘lishdi.
Kampaniyaning asosiy jihatlaridan biri — reklama integratsiyalarining tabiiy va “toza” bo‘lishi edi. Biz kreatorlarni sinchiklab tanladik va ularning kontentida raqobatchilar hamda turdosh toifadagi brendlarning reklamalari bo‘lmasligiga e’tibor qaratdik. Natijada ortiqcha reklama shovqini kamayib, auditoriya e’tibori to‘liq AVO bank’ga qaratildi.

Natijalar

Loyiha doirasida kontent ko'rishlarining umumiy soni: 21 544 428, loyiha davrida @avouzbank akkauntining umumiy qamrovi: 4 876 569, jalb qilingan yangi mijozlar soni: 3 226