Festivaldan yangi hayot sari

Yirik festivallar va madaniy tadbirlarni tashkil etish uchun vaqtinchalik konstruksiyalar va katta miqdorda materiallar talab etiladi. Tadbir yakunlangach, konstruksiyalar demontaj qilinadi va ulardan foydalanilgan materiallar ko‘pincha boshqa maqsadda ishlatilmaydi.

Ipak Yuli Bank uchun yirik madaniy tadbirlarda ishtirok etish nafaqat auditoriya bilan muloqot qilish, balki resurslardan yanada mas’uliyatli foydalanish yo‘llarini izlash imkoniyatidir.

Muammo

Festival yakunlangach, vaqtinchalik konstruksiyalar demontaj qilinadi va ulardan foydalanilgan materiallar chiqindiga aylanishi mumkin. Bizning holatimizda tadbirdan so‘ng 470 metr tent matosi qoldi.

Shu bilan birga, mato o‘z xususiyatlarini saqlab qolgan va undan qayta foydalanish mumkin edi.

Vazifa — materialning chiqindiga aylanishiga yo‘l qo‘ymaslik, uning xizmat muddatini uzaytirish va unga yangi amaliy qo‘llanish imkonini topish edi.

Yechim

Foydalanilgan materialni chiqindiga chiqarish o‘rniga, unga yangi hayot berishga qaror qildik. Tentar demontaj qilingach, 470 metr mato yig‘ildi, tozalandi va qayta foydalanishga tayyorlandi.

Legkoe Retro dizayneri bilan hamkorlikda matodan Visa Fashion Week Tashkent’da namoyish etilgan 8 ta obrazdan iborat kapsula kolleksiya yaratildi.

Ammo matoning ikkinchi hayoti podium bilan yakunlanmadi. Qolgan materialdan bolalar uchun 300 ta quyoshdan himoyalovchi bosh kiyim va ota-onalar uchun 300 ta suv o‘tkazmaydigan sumka ham tayyorlandi.

Shu tariqa, bir xil material bir nechta yangi maqsadlarda qayta ishlatildi va o‘zining asosiy vazifasi — himoya qilishni davom ettirdi.

Natijalar

Natijada 470 metr matoga ikkinchi hayot berildi va festival yakunlangach, uning chiqindiga aylanishining oldi olindi.

Materialdan:

Visa Fashion Week Tashkent’da namoyish etilgan kolleksiya uchun 8 ta obraz;
bolalar uchun 300 ta quyoshdan himoyalovchi bosh kiyim;
ota-onalar uchun 300 ta suv o‘tkazmaydigan sumka yaratildi.
Festival davomida atigi bir necha kun foydalanilgan material moda va kundalik hayotda foydalanish uchun yangi maqsadga ega bo‘ldi.