Ali Qahhorov

Spiker haqida:

Ali Qahhorov PR, GR (davlat organlari bilan aloqalar), raqamli marketing va media prodyuserlik sohasida 10 yildan ortiq tajribaga ega mutaxassis. Faoliyati davomida Citizen.uz va Repost nashrlarida rahbarlik lavozimlarida ishlab, media transformatsiyasi, maxsus loyihalar va yangi media formatlarini yo‘lga qo‘ygan.

U "Profsoyuz" PR agentligi hamda Xay Mayli Generate prodyuserlik markazining hammuassisi, shuningdek Sahna Stand Up loyihasining marketing va kommunikatsiyalar direktori hisoblanadi. U biznes, davlat tashkilotlari va ijtimoiy tashabbuslar uchun strategik kommunikatsiyalar, krizis PR va GR kampaniyalarini boshqargan.

Ali Yuzma-yuz, Xuddi Shunday, Parda Podcast, Sigma Podcast, tanga.uz va BUSOQQA kabi media loyihalarning muallifi va prodyuseridir. U boshqargan va rivojlantirgan media loyihalarning umumiy auditoriyasi 10 milliondan ortiq obunachini, umumiy ko‘rishlar soni esa 5 milliarddan ortiqni tashkil etadi.