Otabek Sharapov

Spiker haqida:

Otabek Sharapov marketing sohasidagi faoliyatini 2014-yilda o‘sha paytda startap bo‘lgan Texnomart kompaniyasida boshlagan. U kompaniyaning rivojlanishida muhim rol o‘ynab, uni O‘zbekistonning yetakchi retail brendlaridan biriga aylantirishga katta hissa qo‘shdi. "Biz sovuqni issiq qilamiz" kampaniyasi keng ommalashdi, Texnomart esa ikki marotaba Brand of the Year va Client of the Year mukofotlariga sazovor bo‘ldi.

2021-yilda u 605 Agency agentligiga asos soldi. 2023-yil oxirigacha agentlik SMM'dan PR'gacha bo‘lgan to‘liq marketing xizmatlarini taqdim etdi.

Shu davrda agentlik frotterizmga qarshi ijtimoiy kampaniyani amalga oshirib, ushbu loyiha uchun **Tashkent Advertising Festival (TAF!)**ning Platinum mukofotini qo‘lga kiritdi.

2024-yildan boshlab agentlik o‘z faoliyatini asosiy kompetensiyalariga yo‘naltirib, PR, kreativ yechimlar, brend strategiyasi va brending xizmatlariga ixtisoslashdi. Otabek Sharapov rahbarligida agentlik PDP ekotizimi uchun videorolik, "Onam borsin" kampaniyasi hamda Texnomartning "Rad etib bo‘lmaydigan takliflar" kampaniyasi kabi muvaffaqiyatli loyihalarni amalga oshirdi.

605 Agency TECNO, Texnomart, AKFA Build, Goodwell, Oqtepa Lavash, Pure Milky, O‘zbekiston Respublikasi Prezidenti huzuridagi Strategik islohotlar agentligi, Payme, NRG, Namuna Development, EPA, Cheers, PDP, Najot Ta'lim, Ermak va boshqa ko‘plab yetakchi brendlar bilan hamkorlik qilgan.

2024 va 2025-yillarda 605 Agency TAF! hakamlar hay'ati tomonidan O‘zbekistonning eng yaxshi reklama agentligi deb e'tirof etildi.

Otabek Sharapov, shuningdek, O‘zbekiston Marketing uyushmasi huzuridagi Milliy marketing qo‘mitasi raisi hisoblanadi.